قصيدة لمحاربي الخضر

بعد التحية والسلام أما بعد:
آه ياسعدان بعد مقاطعة الأغاني والمسلسلات المصرية ،أنا اليوم أكتب قصيدة للمنتخب الوطني ولكل الجزائريين ،وكل هذا بفضلكم يا محاربي الصحراء
شكون شكون قاعد يدير علينا الحس من هذاك المكان
قالك فضائية تافهة لاعندها لا تاريــــــــــخ ولا عنوان
قالوا علينا بربروبلطجية،ودرنالهم مذبحة في السودان
نقولولهم نتحدّاوكم إذا جبتو علينا دليـــــــل ولاّ برهان
إيه أحنا عرب مسلميــــــن بربر وأمازيغ وأحفاد الثوّار
ودرنا ثورة وأول نوفمبر يشهد عليــــــــنا في كل زمان
أنا نقولكم الفارغون أكثر ضجيـــــــــــــــــجًا يا العديان
اللي تسبّــــــــــولنا في شهدائنا وهوما في الجنة بأمان
قالهم راجل حكيــــــــــم أنا الرد نتاعي كان في الميدان
دارها عنتر يحي وزلزل وين يسكن الشيــــــــــــــــطان
ولاّ شاوشي الكابتن ماجد يطيــــــــر في ستاد السودان
واللي خلاكم حايرين هايميــــــن وتقولوا هذا سوبرمان
ماننساوش عناصر الفريــق الوطني اللّي كانوا شجعان
ويعاودوهالكم في الأرض و المريـــــــــخ وفي أي مكان
ونقول معاك يا سعدان ما يخلعنا لا الإنجليز لا سلوفينيا لا الماريكان

شكرا